Daspö il favrer da quist‘an es Annetta Ganzoni la nouva presidenta da la Fundaziun de Planta, scu prüma duonna insomma. Insembel culla nouva suprastanza da la fundaziun ho‘la plauns ambizius.
Annetta Ganzoni, daspö il favrer es Ella la nouva presidenta da la Fundaziun de Planta. Perche s’ho’la missa a disposiziun per quist uffizi?
Dal 2022, zieva mieu pensiunamaint, vaivi survgnieu la dumanda dad entrer i’l cussagl da la Fundaziun de Planta, que ch’eau d’he accepto sainza stüdger pü lönch. Pür zieva cha d’eira gnida tschernida in marz 2023 in quel gremi d’he cumanzo am fer impissamaints, e fin d’inviern sun diversas persunas gnidas vers me cun la proposta pel presidi. Uschè s’ho quella opziun cristalliseda plaun a plaun, e finelmaing m’he lura lascheda persvader da candider.
Ella es la prüma duonna in quist uffizi – che significhescha que per Ella?
Eau d’he lavuro bgers ans in üna instituziun naziunela cun duonnas in tuot las posiziuns da cader – per se stess nu’m pera que dal 2024 dimena pü ünguotta extraordinari. Eau svess d’he mno divers progets e d’he üna lungia experienza ill’organisaziun dad occurrenzas culturelas e dietas scientificas. Uschè am paraiva d’avair almain üna part da las competenzas necessarias per mner la Chesa Planta. Que am plescha dad esser al timun e da pudair decider svess sur da la navigaziun. In quists pochs mais d’he però bado cha vulair mouver qualchosa significha d’investir energias, lavur e fantasia. E per river a resultats es que finelmaing centrel da pudair collavurer cun üna squedra motiveda e da chatter partenaris interessos.
Che as müdaregia cun üna duonna a la testa da la fundaziun?
Dasper la mnedra da gestiun cumpiglia il cussagl da fundaziun dad hoz trais duonnas e quatter homens our da differents misters, e minchün s’activescha in ressorts da sia cumpetenza. Eau sun persvasa cha ün gremi masdo scu quist, cun eteds e premissas differentas, possa ragiundscher qualchosa per quist’instituziun.
Per que chi reguarda specificamaing las collecziuns i’l museum ed illa biblioteca craj eau cha las duonnas possan sainz’oter metter divers accents. Üna domena chi’d es gnida fin uossa a la cuorta es per exaimpel l’art textila, fich bain rapreschanteda in Chesa Planta – eau pens a tapetas, tendas, rechams, pichels, vstieus… Actuelmaing vains eir l’intenziun dad ordiner ed inventariser il relasch da Domenica Messmer chi spetta daspö il 1989 da gnier evaluo. Quists materiels relaschos d’üna piuniera i’l ressort da redacziuns schurnalisticas femininas pudess intresser taunt il public da la regiun scu eir la retoromanistica academica chi s’occupa actuelmaing cun svilups culturels a partir dal 1945.
Che ho Ella insembel culla nouva suprastanza per plauns ed idejas per la chesa istorica?
Il nouv cussagl da fundaziun voul propi piglier per mauns idejas chi existan già pü lönch. Uossa – cun la partenza da l’Archiv culturel vers
Zuoz – as svödan differentas localiteds, uschè cha que es ün mumaint optimel per invier müdamaints.
Il böt il pü important es da pussibilter nouvs adövers in quist chesamaint istoric e cun que da generer nouvas entredas chi sgüran la finanziaziun e l’avegnir da l’instituziun. Tenor las prümas skizzas dal concept vess il tract süd, dimena il museum, da gnir mantgnieu e restauro in sia substanza istorica. Il tract nord, chi’d es adüna darcho gnieu druvo per scopos differents, dess invezza gnir moderniso uschè ferm scu necessari – la premissa la pü importanta per ün’activited regulera es l’installaziun d’ün s-chodamaint centrel adatto: Que’s pudess fer adöver tuot an dals locals da reuniun e scolaziun, las lavuors bibliotecaras ed archivarias pudessan finelmaing gnir organisedas in maniera normela, üna part dals spazis existents pudessan gnir dos a fit scu büros u locals d’affer. L’üert e parts dal plaun giosom cun murütschs ed ufficinas dessan ster a disposiziun per occasiuns da tuot gener. Fin a la realisaziun da telas fantasias saron da surmunter divers ans da transiziun cun adövers passagers e magari eir experimentels. Idejas e progets sun dimena bainvis.
Ella es creschida sü a Schlarigna e viva uossa a Berna ed in Val Müstair. Che colliaziun ho Ella persunelmaing culla Chesa Planta?
Düraunt ils decennis d’he eau partecipo diversas voutas scu magistra als cuors da sted e als inscunters da litteratura. Eau d‘he vis diversas exposiziuns e gieu contact cun las mnedras da gestiun, l’ultim natürelmaing cun Martina Shuler-Fluor. Sieu sen per quist ambiaint particuler e sia fantasia per retschaiver la glieud am peran fich inspirants. Per exaimpel düraunt las rapreschantaziuns da teater u düraunt il di da litteratura „Favella bella“ da la sted passeda, inua cha d’he adüna eir inscuntro a bgers cuntschaints. In quellas occasiuns s’ho la Chesa Planta musseda scu lö d’inscunter cun grand potenziel.
Chenüna es sia prüm’algordanza a la Chesa Planta?
Eau m’algord da mieu temp al gimnasi a la EMS/Academia – dad esser entreda fich tmücha illa biblioteca da la Chesa Planta. Que’m pera cha’l
bibliotecari da quella vouta am vaiva praticamang s-chatscheda u vaiva in mincha cas fat da
tuot per cha que nu’m gniss pü adimmaint da zapper aint da quellas portas. La stüva da dret d’eira ün lö da lavur da mieu bap ed aunz eir da mieu non, tuots duos a lur temp presidents dal Tribunel districtuel Malögia. Eir lo suni steda üna vouta u l’otra, e que am paraiva tuot interessant. Dal rest varegi vis düraunt
tuot ils ans cha d’he trafficho a Samedan surtuot la fatscheda massiva e serreda da la chesa.
La Fundaziun de Planta ho festagio dal 2023 sieu 80evel giubileum, scha nus guardains taunts ans in avegnir, che füss Sieu giavüsch per la Chesa Planta?
Eau stüdg per intaunt be als prossems 5 ans! Scha guardains inavous fin al cumanzamaint da quista chesa i’l 16evel tschientiner es que ün cuort temp. Eau speresch però cha que ans reuschescha dad ir inavaunt ün pêr pass decisivs per cha la Fundaziun de Planta scu purtedra da la Chesa Planta da Samedan chatta pussibilteds da surviver eir i’l 21evel tschientiner. Las strategias stöglian adüna darcho gnir adattedas per cha’s possa inavaunt valuriser las set müravaglias, perdüttaunza da noss’istorgia culturela, cuntgnidas in quista veglia chesa signurila – var 20‘000 cudeschs nouvs e vegls e traunter quels unicats ed exemplers fich rers, manuscrits da tuot gener, üna collecziun da textilias unica, purtrets e vaschella da valur, mobiglia e pignas specielas, instrumaints e bger oter pü.
Da l’otra vart vuless eau vzair la Chesa Planta scu lö d’inscunter, da dialog e da partecipaziun culturela dals umauns dad hoz e da damaun – da quels chi vivan a Samedan ed in Engiadina e da quels chi sun giasts da passagi. Scu cha l’inscripziun da possess «… et amicorum / … e dals amihs» annoteda in numerus cudeschs da la veglia biblioteca Salis-Planta muossa, existivan in quist lö già in temps istorics circuls da lectüra chi cultivaivan la furmaziun.
Litteratura, teater, musica ed art
figürativa, filosofia e scienzas dessan eir in avegnir rester l’attracziun principela chi maina insembel las persunas suot quist tet. Vis il plaschair e l’interess persistent per nossa pitschna lingua e cultura
rumauntscha as po dafatta sperer, cha quella saja bger pü abla da s’adatter als müdamaints cu que cha’ls linguists pessimistics d’avaunt 100 ans crajaivan – e ch’ella vöglia inavaunt prosperer eir in Chesa Planta.
«Es gefällt mir, die Leitung zu haben»
Seit Februar 2024 ist Annetta Ganzoni die neue Präsidentin der Stiftung de Planta. Sie ist die erste Frau in diesem Amt und hat zusammen mit dem neu gewählten Vorstand ambitionierte Pläne.
Annetta Ganzoni, seit Februar 2024 sind Sie die neue Präsidentin der Stiftung de Planta. Warum haben Sie sich für dieses Amt zur Verfügung gestellt?
Im Jahr 2022, nach meiner Pensionierung, wurde ich angefragt, in die Stiftung de Planta einzutreten, was ich ohne gross zu überlegen angenommen habe. Nachdem ich im März 2023 in den Vorstand gewählt wurde, habe ich begonnen, mir Gedanken zu machen und bis im Winter bin ich immer wieder aufs Präsidium angesprochen worden. So hat sich diese Option langsam herauskristallisiert und am Ende habe ich mich überzeugen lassen, zu kandidieren.
Sie sind die erste Frau in diesem Amt – was bedeutet Ihnen das?
Ich habe viele Jahre in einer nationalen Institution gearbeitet, wo Frauen in allen Kaderpositionen waren – für mich selbst scheint mir das im 2024 also nichts aussergewöhnliches mehr zu sein. Ich habe selbst verschiedene Projekte geleitet und eine lange Erfahrung in der Organisation von kulturellen Veranstaltungen und wissenschaftlichen Tagungen. So schien es mir, dass ich mindestens einen Teil der benötigten Erfahrungen hätte um die Chesa Planta zu führen. Es gefällt mir, die Leitung zu haben und selber über die Navigation entscheiden zu können. In diesen wenigen Monaten habe ich aber gemerkt, dass es Energie, Arbeit und Phantasie braucht um etwas bewegen zu können. Und dafür braucht es auch eine motivierte Mannschaft und interessierte Partner.
Was wird sich verändern mit einer Frau an der Spitze der Stiftung?
Neben der Betriebsleiterin besteht der Stiftungsrat aus drei Frauen und vier Männern aus verschiedenen Berufen und jeder engagiert sich gemäss seinen Kompetenzen in seinem Ressort. Ich bin überzeugt, dass ein gemischtes Gremium wie dieses einiges für diese Institution erreichen kann.
Was die Sammlungen im Museum und in der Bibliothek betrifft, denke ich, können die Frauen ohne weiteres Akzente setzen. Eine Domäne, die bisher zu kurz kam ist beispielsweise die Textil-Kunst, die sehr gut repräsentiert ist in der Chesa Planta. Ich denke an Tapeten, Vorhänge oder auch Kleider. Im Moment haben wir auch vor, das Erbe von Domenica Messmer zu ordnen und zu inventarisieren. Dieses wartet seit 1989 darauf, evaluiert zu werden. Dieses Material, vererbt von einer Pionierin im Bereich des weiblichen Journalismus könnte sowohl das Publikum aus der Region wie auch die akademische Retoromanistik interessieren, die sich momentan mit kulturellen Entwicklungen ab 1945 befasst.
Was sind denn Ihre Pläne zusammen mit dem Vorstand für das historische Haus?
Der neue Stiftungsrat möchte Ideen aufgreifen, die schon lange existieren. Jetzt – mit dem Umzug des Kulturarchivs nach Zuoz – leeren sich verschiedene Lokalitäten, was ein idealer Moment ist um Veränderungen anzustossen.
Das wichtigste Ziel ist es, neue Möglichkeiten in diesem historischen Haus zu schaffen und damit auch neue Eintritte zu generieren, welche die Finanzierung und damit die Zukunft der Institution sichern. Gemäss ersten Konzeptskizzen müsste der Südtrakt (das Museum) in seiner historischen Substanz restauriert werden. Der Nordtrakt, der immer wieder für verschiedene Zwecke genutzt wurde, soll so gut es geht modernisiert werden. Die Grundlage dafür wäre die Installation einer Zentralheizung. Damit könnten Sitzungs- und Schulungsräume ganzjährig genutzt werden und Bibliotheks- und Archivarbeiten «normal» durchgeführt werden. Zudem könnten Räume als Büros oder Ladenlokale vermietet werden. Der Garten und Teile des Kellers sowie Werkstätten sollen verschiedenen Möglichkeiten offen stehen. Bis zur Realisierung solcher Phantasien werden noch verschiedene Übergangsjahre zu bewältigen sein mit unterschiedlichen und teils auch experimentellen Nutzungen. Ideen und Projekte sind also willkommen
Sie sind in Celerina aufgewachsen und leben heute in Bern und im Münstertal. Was haben Sie persönlich für eine Verbindung zur Chesa Planta?
Über die Jahre habe ich verschiedene Male als Lehrerin der Romanisch-Sommerkurse gearbeitet und an Literatur-Treffen teilgenommen. Ich habe verschiedene Ausstellungen gesehen und mit den BetriebsleiterInnen Kontakt gehabt, zuletzt mit Martina Shuler-Fluor. Ihr Sinn für dieses spezielle Umfeld und ihre Phantasie die Leute zu empfangen scheint mit sehr inspirierend. Zum Beispiel während der Theateraufführungen oder während des Literatur-Tags «Favella bella» letzten Sommer, wo ich auch immer viele Bekannte traf. In diesen Momenten zeigte sich die Chesa Planta als Treffpunkt mit grossem Potential.
Was ist ihre erste Erinnerung an die Chesa Planta?
Ich erinnere mich an meine Zeit am Gymnasium an der EMS/Academia Engiadina – dass ich sehr scheu in die Bibliothek der Chesa Planta ging. Es scheint mir, dass mich der damalige Bibliothekar praktisch verscheucht hatte oder zumindest hat er alles unternommen, dass mir ja nicht in den Sinn kam, nochmal zurück zu kommen. Die Rechtsstube war ein Arbeitsort meines Vaters und vorher meines Grossvaters, beide zu ihrer Zeit Präsidenten des Kreisgerichts Maloja. Auch dort war ich das ein oder andere mal und es schien mir ganz interessant. Ansonsten hab ich wohl während all den Jahren immer vor allem die massive und geschlossene Fassade des Hauses betrachtet.
Die Stiftung de Planta hat 2023 ihr 80-jähriges Jubiläum gefeiert. Wenn wir nun nochmal so lange in die Zukunft schauen, was wäre Ihr Wunsch für die Chesa Planta?
Ich überlege nur für die nächsten 5 Jahre! Wenn wir zurückschauen bis an den Anfang dieses Gebäudes im 16. Jahrhundert ist das eine kurze Zeit. Ich hoffe jedoch, dass es uns gelingt, ein paar entscheidende Schritte vorwärts zu gehen, damit die Stiftung de Planta als Trägerin der Chesa Planta Möglichkeiten findet, auch das 21. Jahrhundert zu überleben. Die Strategien müssen immer wieder angepasst werden, damit wir auch weiterhin die sieben Wunder, Zeugnisse unserer kulturellen Geschichte, enthalten in diesem Herrschaftshaus bewahren können – etwa 20’000 neue und alte Bücher, darunter Unikate und sehr seltene Exemplare, Manuskripte, eine einzigartige Textil-Sammlung, Bilder und wertvolle Keramik, Möbel und spezielle Öfen, Instrumente und vieles mehr.
Andererseits möchte ich die Chesa Planta als Begegnungsort sehen, als Ort des Dialogs und der kulturellen Teilnahme der Menschen von heute und morgen – von denen, die in Samedan und im Engadin leben und von denen, die Durchfahrtsgäste sind. Wie die Aufschrift des Besitzers «…et amicorum / … und der Freunde» in zahlreichen Büchern der alten Bibliothek Salis-Planta zeigt, existierten an diesem Ort schon in historischen Zeiten Lesekreise, die die Bildung kultivierten. Literatur, Theater, Musik und Kunst, Philosophie und Wissenschaft sollen auch in Zukunft die Hauptattraktionen bleiben, welche die Menschen unter diesem Dach zusammenführen. Angesichts der Freude und des anhaltenden Interesses für unsere kleine romanische Sprache und Kultur kann man sogar hoffen, dass diese viel fähiger sein wird sich an die Veränderungen anzupassen als die pessimistischen Linguisten von vor 100 Jahren glaubten und dass sie weiterhin auch in der Chesa Planta aufblühen wird.
Il Program da sted in Chesa Planta:
8-12 e 15-19 lügl 2024 – Eivnas da lingua e cultura
12, 14, 18, 19, 21 lügl 2024 – 20:00h – Teater da sot: «La Barunessa»
13 lügl 2024 – 17:30h – Maiseda – Tavolata: Tschaina ill’üert istoric
20 lügl 2024 – a partir da las 11:00h – Di da litteratura «Favella bella»
9 avuost 2024 – 19:30h – Cinzia Regensburger e band (in collavuraziun cun «Back to the Roots»)
10 avuost 2024 – a partir da las 11:00h – Il grand bal da cumpagnia
29 avuost 2024 – 18:15h – «I Giacometti» – ün film da Susanna Fanzun in collavuraziun culla Pro Grigioni Italiano
20 settember 2024 – La not dals museums in Engiadina
